موضوع قد يكون عادي عند البعض وساحة لحوار راقي وقد يثير عاصفة عند البعض الآخر ممن يقرؤون بعض السطور ويحكمون بشكل فوري بدون فهم واستيعاب باقي الكلام ..

التصريح العلني بدولة خلافة اسلامية هل هذا وقته ؟؟؟
أم انه سيجر علينا ما حدث في الصومال ومالي وافغانستان ؟

دولة الخلافة الاسلامية تحتاج لمقومات كثيرة من قوة وتقدم علمي وتكنولوجي .. ناهيكم عن تهيئة الناس لها
رح كمل عامية :

طبعا انا ماني ضد الدولة الاسلامية بالعكس تماما انا مع الحكم بما انزل الله الآن قبل غدا ... هادا مالو علاقة بدولة خلافة اسلامية لأنو اي دولة ممكن تصير اسلامية اذا صار الدستور مشتق بشكل كامل من القرآن والسنة وبحال طابقت الاحكام احكام الدين يلي شرعها رب العباد ..إن كان اسم الحاكم رئيس او امير او اي مسمى اخر ... اما دولة الخلافة فتعني ضم اراضي الامة الاسلامية من باقي الدول لنحكمها بخليفة واحد وهادا شي مستحل بهالوقت تماما والحكي فيه بجبلنا عداوات نحني بغنى عنها

اسرائيل نفسا اشتغلت بالتدريج وهوي يلي وصلها لتكون دولة من اكتر الدول المتقدمة علميا وتكنولوجيا وحاليا بتمتلك جيش بيحسبولو ألف حساب حتى بأوروبا .. طبعا هلأ هيي دولة يهودية وحققت حلمها بهالشي بالتدريج وكل مرة تحتل اراضي جديدة لحتى صارت تسيطر على كل فلسطين .. وطول عمرن بيتمسكنو إدام الامم المتحدة وبياخدو تعويضات عن حقبة " المحارق اليهودية " .. اما نحني فلسى لاعنا دولة ولا حتى عنا شعب " اغلبه مهجر او معدوم هاي غير الشهدا والمعتقلين والجرحى " ولا عنا مقومات ولا قوة ولا تقدم علمي نجاري فيه الامم والدول .. وعم نحكي ونقول بدنا خلافة وبدنا نضم كل الدول الاسلامية ئلنا واعلنا الحرب على حكام البلاد الاسلامية وعلى فلان وعلان ومتحدايين الغرب وامريكا واسرائيل وانو الخليفة رح يحكم كل بلاد المسلمين من عنا من سوريا ومنجاهر بهالشي ومنحكي فيه ومنفتّح عيون الناس علينا لحتى يقضو عالحلم قبل حتى ما نستغرق بالنومة وتوضح الصورة
انا ماقاصد بالحكي لاجبهة النصرة ولا اي فصيل تاني لأنو كلياتن عالعين والراس .. واصلا ماحدي منن عندو برنامج فيو هالهدف بشكل واضح وصريح .. حتى جبهة النصرة نفسها قالت انه الهدف الحكم بالاسلام وبما انزل الله ولاقالو بدنا نعمل خلافة ولاشي .. الكلام عام موجه لأي شخص عم يفكر بهالاسلوب يلي كتر الحديث فيه ومطروح للنقاش المحترم

سؤال اخي ابو الصبر، الا تعتبر وطننا يللي عايشين في وكان موجود قبل ماتصير هالكركبة، دولة تشريعاتها مستمدة من التشريع الاسلامي ؟ ودولة لها اركان الدولة المسلمة ؟بس بدي وضح شغلي بسؤالي / عم قول دولة، تستمد قوانينها من الشريعة الاسلامية (مع مراعاة من يريد ان يشارك ان يكون الشخص عارفا بمقاصد التشريع وليس ملما بفقه احادي المذهب فقط  او ثنائي او حتى ثلاثي لا يكفي)بعدين في شغلة لا يمكنك بناء شئ على لا شئ. بلد منهار اقتصادياوشعب لا يسمع الا الى متطلبات اولاده ومثكول بآهات اولاده، وتريد ان تحدثه عن بناء دولة اسلامية ؟قرات مرة، ان الالتزام باحكام الشرع لا يمكن ان يحدث في بيئة غير مؤهلة، يعني مثلا، لا تستطيع ان تامر فتيات من اسرة كبيرة يعيشيون مع اصهارهم في غرفتين فقط ، لا تستطيع ان تكلمهم عن عورة اليدين والراسفهذا ليس من اولويات التشريع في حالتهماو تحدث عائلة عن الزكاة، وهم يرسلون اولادهم الى الحقول كل يوم ليؤمنو قوت يومهم وهكذابراي الشخص ليس الوقت المناسب اطلاقا، وحتى لست مع التكلم بموضوع الدولة الاسلامية باساليب الطرق القديمة التي اثبت عدم فاعليتها في زمانها، فمابالك في زماننا ؟ الا توافقني الراي

برأيي كل شي بوقته حله ، يعني وقت تتوفر مقومات الدولة ليش لأ ... الشغلة بدا شوية صبر يمكن لوقت تتوفر قاعدة شعبية و سياسية و اقتصادية صلبة

أو متل ما بيقولو لوقت تستوي الطبخة منيح...

Noon كتب:
سؤال اخي ابو الصبر، الا تعتبر وطننا يللي عايشين في وكان موجود قبل ماتصير هالكركبة، دولة تشريعاتها مستمدة من التشريع الاسلامي ؟ ودولة لها اركان الدولة المسلمة ؟بس بدي وضح شغلي بسؤالي / عم قول دولة، تستمد قوانينها من الشريعة الاسلامية

اهلين اخت نون
طبعا مابعتبر لعدة اسباب :
اول الشي كان الدين مفصل عالكيف يعني الحلال على كيفن والحرام على كيفن .. حلال الواحد يصلي مع المطران بعيد الفصح بل ومحبذ كمان وهاي بسموها وحدة وطنية

اما بالجيش والمعسكرات فالصلاة وقراية القرآن تعتبر من الكبائر " واسألي مجرب " مرة عقيد شاف قرآن معنا بالخيمة والحمد لله يومتا كان اكابر وابن حلال وقال " خبوه قبل ماحدي غيري يشوفو بيعملولكن مشكلة وبصادروه " وهاي كتاب الله
ومرة كمان كنا عم نصلي جماعة بساحة المعسكر وكنا دوبنا 20 شخص بيجي قائد المعسكر بصير بيتفتل بيناتنا وبشوطنا وبينزعلنا الصلاة قال ممنوع منعا باتا .. هاي دولة اسلامية ؟
وهل ياترى دولة اسلامية انو الواحد اذا حكى حرف يفصلولو جلده عن عظمه ؟
احكام الدولة هي من الدستور القديم يلي اغلبه من العصر العثماني وفعلا كتير منها مشتق من الاحكام الاسلامية بس في تعديل على كتير احكام وكأنه البشر بيفهم اكتر من الخالق " استغفر الله "

أبو سبيع كتب:
برأيي كل شي بوقته حله ، يعني وقت تتوفر مقومات الدولة ليش لأ ... الشغلة بدا شوية صبر يمكن لوقت تتوفر قاعدة شعبية و سياسية و اقتصادية صلبة

أو متل ما بيقولو لوقت تستوي الطبخة منيح...

100%

هذه المقالة لدكتور عبدالكريم بكار، في صلب الموضع
من نقاطها

[size=2]اجتمعت بشباب يريدون إقامة الحكم الإسلامي من أول يوم، والحجة لديهم ظاهرة، وهي أن الإسلاميين هم صناع الثورة، وهم أكثر من ضحى من أجلها، والناس يريدون الإسلام، ولا يرضون عنه بديلاً، فلماذا نضيع الفرصة ونحن المسيطرون على الأرض ؟ .[/size]

[size=2]وكنت أقول للشباب : دعونا الآن نركز جهدنا كله على إسقاط النظام، وأؤكد أن من المصلحة العامة ومصلحة الثورة أن يظل الآن كل شيء تحت سقف الوطن، وإلا فسنواجه الكثير من المشكلات .[/size]

[color=#385723][size=2]إذا سقط النظام فإنه سيكون أمامنا عمل كبير جداً قد يستغرق سنة أو سنتين،ويتمثل هذا العمل في تطهير مؤسسات الدولة من فلول النظام المجرم وفي إعادة الأمن والاستقرار إلى البلد .[/size][/color]

[size=2]إن عودة الأمن ضرورية جداً وشرط أساسي لعودة الناس إلى بيوتهم ولترتيب الشأن الداخلي وتشجيع الراغبين في المساهمة في إعادة البناء .[/size]

[size=2]4-إن كل مسلم ملتزم واعٍ يسعى إلى أن تكون كلمة الله هي العليا في كل شؤون الحياة وحين تشكل لجنة الكتابة الدستور، وحين يطرح الدستور للاستفتاء، فإن من المهم أن يكون لدينا دستور يُنص فيه على أن الشريعة هي المصدر الأساسي، وحين تعقد الانتخابات فإن من المهم أيضاً أن ننتخب القوي الأمين، لكن علينا أن لا ننسى أن تطبيق 90% من الشريعة منوط بالفرد والمجتمع،وإن مطالبة الحكومات بتطبيق الشريعة ونسيان دورنا المحوري هو نوع من الهروب إلى الأمام .[/size]

[size=2]
[/size]

[size=2]------------[/size]

[size=2]هذه الجملة هي لب القصيد براي الشخصي[/size]

[size=2]لكن علينا أن لا ننسى أن تطبيق 90% من الشريعة منوط بالفرد والمجتمع وإن مطالبة الحكومات بتطبيق الشريعة ونسيان دورنا المحوري هو نوع من الهروب إلى الأمام .[/size]

[size=2]
[/size]

[size=2]--------------[/size]

[size=2]تطبيق الشريعة
[/size]

كلو الا سقف الوطن .. عبد الكريم بكار بالثورة لا عاد تعرفه اسلامي مدري وطنجي .. حضرتله ندوة من كم شهر بالرياض و انسأل هيك سؤال و حكي نفس الكلام الهدف هو سقف الوطن و الاستقرار السياسي و الرفاهية الاقتصادية .. بتفكر يللي عم يحكي جورج صبرا او ميشيل كيلو ..
اقرأو هالحكي و بتفهموا من عبد الكريم بكار ( فإن من المهم أن يكون لدينا دستور يُنص فيه على أن الشريعة هي المصدر الأساسي ) على اساس في مصدر اساسي و في مصدر احتياط ..

أبو فاطمة كتب:
( فإن من المهم أن يكون لدينا دستور يُنص فيه على أن الشريعة هي المصدر الأساسي ) على اساس في مصدر اساسي و في مصدر احتياط ..

في مصدر رئيسي وفي تشريع بشري .

معك حق , ولو أنه يمكن عادة بتكون القوانين و الدساتير تحصيل حاصل لحالة الناس و طبيعتهم بالمجتمع , كمان وعي الناس باهمية القانون و تطبيقه اهم من القانون ذات نفسه سواء الهي أو وضعي لذلك من الأجدى الاهتمام بالناس و رفع وعيها و بعدين الشعب هو بسن قانونه بايده بتدرج حسب ثقافته و أعرافه , و يمكن هاد اكبر الاسباب انه الغرب كان ما بأمن لبلادنا غير انه تنحكم من قبل ديكتاتوريات وبيتمسو فيهم لأنهم بشوفو شعبنا جاهل و متمرد و الانسب انه يكون مسير بالعصا و طبعا هي النظرية نجحت 50 سنة و يمكن هلق انهارت و رح تسببلهم مشاكل كبيرة ويمكن يضل اثرها عليهم عشرات السنين.

.........

سبحان الي بيغير و ما بيتغير .. سبحانك يا ربي ..

راجعلكم ان شاء الله .

بشكر الأخ ابو الصبر على فتح الموضوع و أحترام جميع الآراء , و بتوقع ما عاد في شي اليوم يتخبى و ما عاد في شي ما ينحكى فيه و كذلك موضوع الخلافة

لا أخفيكم سراً أن الموضوع ذا شغف و حب بالنسبة لي , و أتوقع ذلك لأي مسلم غيور واعي مخلص لله و لرسوله صلى الله عليه و سلم و للمؤمنين

سؤالك أخي أبو الصبر : التصريح العلني بدولة خلافة اسلامية هل هذا وقته ؟؟؟
أم انه سيجر علينا ما حدث في الصومال ومالي وافغانستان ؟

احب أن اعود للخلف و للوراء قيلاً قبل الإجابة و الخوض معكم في نقاش ما تم تداوله , أعود قليلاً قبل الثورة و قبل آل الأسد و قبل الدولة المدنية التي تشكلت بعد سقوط الخلافة و قبل ذلك بقليل أي ما يقارب 100 عام , منذ ذلك الحين الى الأيام الأولى للإسلام كحكم عندما تشكلت له دولة في المدينة المنورة كيف كان حال المسلمين آنذاك و من كان يحكمهم و من كان يسوسهم و ما كانت شكل دولتهم ؟

و منذ المئة عام حتى اليوم كيف حال المسلمين و من يحكمهم و من يسوسهم و ما شكل دولتهم أقصد شكل دولهم اليوم ؟

ببساطة الأمر لا يحتاج لكثير من البحث ما الذي تغير أمرٌ واحد و هو سقوط الخلافة , كفتان غير متراجحتان أبداً في تاريخ الأمة , ما يقارب 1300 سنة من العز و القوة و التمكين طبعاً لا يستطيع أحد ان يقول كلها أيام بيض للمسلمين و لكنها بالمجمل كذلك , . و الكفة الآخرى ما يقاب المئة عام من الذل و الضياع و الإستعمار و القهر و الإستعباد و أستطيع ان أقول كلها أيام سود إن لم تكن كلها فمجملها الطاغي .

أخي أبو الصبر إنك تصرح أو ما تصرح هي شغلة , بس الأهم بدك تشتغلها أو لأ , هادا يلي بيهم أو على الأقل من المناصرين أو المعارضين , و إذا من المعارضين ليش و شو بتعرف عن موضوع الخلافة ؟ . طبعا ما قصدي شخصك بس صيغة المخاطب

كمثال الإخوان المسلمين تشكلت عام 1928 يعني بعد هدم الخلافة بأربع سنين و تعتبر الحركة هي الأم لأغلب الفصائل السياسة الإسلامية و اذا ما كانت فصيل عنها فحتماً بتكون متأثرة فيها

المهم هي الجماعة كان هدفها اقامة الخلافة , تغير عملها و تغير أسلوبها بس هادا هدفها النهائي الجماعة يلي اذا ضلت عما تشتغل هيك متل مانها شغالة اليوم بحياتها ما بتوصل للخلافة , و كل الجماعات يلي انبثقت عنها متل حزب أردوغان أو حماس أو أحزاب مصر الإسلامية أو اي حزب أو جماعة يعتبر من الإخوان كلهم متل الإخوان

و الجماعات الإرهابية يعني الإرهاب المادي و الفكري كلهم الهم نفس الهدف ( يلي بيسميهم الغرب ارهابين )

بيت القصيد بهالكلام كله إنو موضوع الخلافة مانو جديد و لا هوي انحكى من قبل بشكل علني أو لأ أو اشتغل له و عمل له من قبل أو لأ

الموضوع متجذر بالأمة حتى إنو الغرب حسب دراساته و تحاليله و مراكز دراساته أبعد تقدير أعطي لإقامة الخلافة من قبل المسلمين سنة 2050 هادا أبعد تقدير في دراسات بتقول سنة 2020

المهم بالموضوع سوريا : هل يصلح لسوريا أو لأ أو هل يصرح به أو لأ

أخي ببساطة شو استفدنا من مجلس الأمن أو حلف الناتو أو أمريكا أو آوربا أو حتى تركيا , طيب شو استفدنا من مصر أو الجزائر او اليمن أو الخليج أو باكستان أو الأردن , شو الفائدة من جيوشهم اذا لساتها بثكناتها و في واحد مغولي عما يقتل و يقصف و يدمر و يقتل

شو هالنظام العالمي ! و شو هالقوانين الدولية ! و شو هالسياسة الدولية الشرعية ! و شو هالدول الإسلامية ! و ليش هالجيوش يلي بنتها و صرفت عليها مئات الميارات

و شو قيمة المجلس الوطني أو الإئتلاف على الأرض شو قدم و شو عمل و قرارته لصالح من ؟