البرّ حُبّاً ........
من أحلى وأجمل الأشياء التي تفعلها في هذه الدنيا .......
في شغلات الواحد أحيانن بيعملا من قبيل الواجب ..أو طلباً للأجر والثواب وليس كل ما تبتغي أجره تستمتع بفعله بشكل عام ....أو رفعاً للعتب واللوم ......أمر طيب وجميل ومستحسن أكييد أفضل من التقصير ........بس وقت بكون الدافع هو الحب ...بيكون فرق كبيير كتيير ........
يعني مثلن في بعض الأصدقاء ممكن تلبي دعوته أو تخرج معه حتى ما يزعل وتخسر صديق مميز ...أو تفتر علاقتك معو ...من باب المجاملة الاجتماعية ....أوك ...خير أمر طيب أكيد إنو إنتي حريص على هالشخص بس انتبه ما يحس عليك لإنو بجوز يصير يعاملك بنفس الطريقة وبتتحول رفقتكون لشكليات ورسميات ما فيا متعة أو روح...ورح تنتهي بالبعد والجفا مع الزمن .......
وفي ناس يوجد بينك وبينا رابط من الحب في الله والرفقة على الطاعات والأعمال الصالحة ..قد لا تكون صحبته ممتعة كغيره من الأشخاص الهبروجين متل ما بقولو ويلي الطلعة معون بتسلي وبتضحك فيا ...بس مع هيك بتحس حالك مبسوط كتير بمجرد رفقتو أو الخروج معو ..لإنو في شي ....في رابط حلو بينك وبينو ...والأحلى وقت بكون هالرابط مربوط بالله عز وجل ...وبتحس ع هالشي منيح وقت بتدعيلو و بيدعيلك بظهر الغيب ...وقت بتتمنالو الخير من قلبك ....وقت بتفرح كتير إذا صار عندو شي منيح من نجاح أو تخرج أو خطبة أو مولود جديد ....أو بتحس حالك إنك بتفقدلو وبتشتقلو وبتتذكر أيام حلوة قضيتا إنتي وياه وخصوصي إذا كان فيا تعاون ع خير أو معروف أو طلب علم أو عبادة ......مشان هيك أنا بتضايق وقت بحس واحد طلع معنا مشوار من باب المجاملة أو مشان ما أزعل أو اعتب عليه ........أخي في كتيييير عالم بفضل الله حوالينا مانك مضطر تجي ع حالك أو تضغط جدولك إذا مانك مبسوط ومستمتع ورغبان من قلبك بهالمشوار ومخططللو ....وبنفس الوقت الواحد بيلتمس لأخو سبعين عذر بظل ضيق الوقت ونزع البركة منو..وأهم شي إنو ما تعتب ع العالم عنجد إذا ما كان تواصلون معك كتير أو دوري كلمات العتب الخفيفة تزيد المحبة ....بس بشرط ما يكون عتب حقيقي أو زعل .... ...
بس الأعمال لما بتكون نابعة من القلوب بتكون أبلغ وأعظم أثراً وسبحان الله شلون رب العالمين بيطرح فيا البركة وبتوصل للقلوب مباشر بتوافر النية الصادقة والعمل الصالح المشترك .....
. سبحان الله شلون الواحد بياخدو الحديث .....
كنت بدي ا حكي عن البرّ حبّاً ........من أحلى وأجمل المشاعر وقت الواحد بيسعى لبر أمو وبيستحضر حبو إلا ...وبكون هالحب هوي الدافع الأاساسي لهالعمل ......فرق كبييير بين هالشي وبين أداء الواجب أو رفع العتب واللوم ..وسبحان الله الأم بفطرتا بتحس بهالشي وبتقدرو من غير كلام ..لإنو كتير مشاعر وقت بتترجم لكلمات بتفقد كتير من قيمتا وتحويل الشعور لفعل وسلوك أبلغ بكتير من كام كلمة بيطلعو من التم قد لا يصلو للقلب ..أو قد يُتهم صاحبون بالزعبرة والكولكة أو تمسيح الجوخ ....
أجمل شعور بالعالم عند كلمة الله يرضى عليك الطالعة من قلب أب كبر بالعمر لابنو يلي ساعدو وحس حالو محتاج لابنو بعد ما كان ابنو محتجلو .....ممكن يلاقيا الأب كبيري عليه بالأول ..بس وقت بكون العمل بحب وطالع من القلب بيوصل فوراً للقلب وااللسان لحالو بترجمو لرضى ودعاء ...وآخخ خ خ شو بصير بالولد إذا شاف دمعة أبوه نزلت غصبن عنو وما قدر يمسكا بعد موقف متل هاد ...وقتا بيحس الأب إنو ابنو صار رجااال وصار سند إلو ...وإنو تربايتو إلو ما ضاعت وإنو ربى رجال من خيرة الناس بيرفع راسو فيه وبيعتمد عليه .......كلمة الله يرضى عليك من تم الأب كبيري كتيييير ....وإلا مفعول عجيب بنفسية الابن وبتبقى محفورة حفر بذاكرتو وعقلو ومستيحل تروح هالمواقف من قلب وعقل الابن يلي عم يحاول يبر أبوه .....ونفس الشي الوالدة وقت بتترضى ع ابنا ....كلمات متل الله يرضى عليك( مع التشديد على حرف الهاء وإبرازه بآخر الله 🙂) أو قلبي وربي يرضى عليك ...روووووح لو قلبت التراب بيقلب دهب بين إيديك... أو أسافل إجريي ترضى عليك ......كلمات شائعة على ألسنة الأأمهات تحلق بالابن عاليا في سماء البر...عجيبة رائعة ..بتطلع من القلب فورن ...وبيشعر الابن أن هذه الكلمات تطير مباشرة من فم أمه فتتلقفها الملائكة لتقرع أبواب السماء فيفتح لها بلا حجاب ولا نقاب ليسمو بها في الدنيا ويرجو خيرها وتفعها في الآخرة ...خاصة إذا لمس صلاح أمه وأعتقد فيها القرب من الله عز وجل والتعلق به والمداومة على صالح الأعمال وسلامة السريرة تجاه المسلمين... فضل ما بعده فضل .......كرامة ما بعدها كرامة .........اسأل الله أن لا يحرم منها مسلما موحداً ما زال نبض والديه أو أحدهما في هذه الدنيا ...وأن يؤنس وحشة من فقد أحدهما أو كليهما ولا يحرمه أجرهما بعد الفراق وأن يؤجر على نيته فنية المؤمن أبلغ من عمله ..........
ملاحظة الموضوع كان مشاركة بيوميات مغترب لقيتا طولت وسرحت شوي بالكتابة قلت خرج نحطا بموضوع أحسن ما تضيع بصفحات اليوميات
....... ...... ......
من أحلى وأجمل الأشياء التي تفعلها في هذه الدنيا .......
في شغلات الواحد أحيانن بيعملا من قبيل الواجب ..أو طلباً للأجر والثواب وليس كل ما تبتغي أجره تستمتع بفعله بشكل عام ....أو رفعاً للعتب واللوم ......أمر طيب وجميل ومستحسن أكييد أفضل من التقصير ........بس وقت بكون الدافع هو الحب ...بيكون فرق كبيير كتيير ........
يعني مثلن في بعض الأصدقاء ممكن تلبي دعوته أو تخرج معه حتى ما يزعل وتخسر صديق مميز ...أو تفتر علاقتك معو ...من باب المجاملة الاجتماعية ....أوك ...خير أمر طيب أكيد إنو إنتي حريص على هالشخص بس انتبه ما يحس عليك لإنو بجوز يصير يعاملك بنفس الطريقة وبتتحول رفقتكون لشكليات ورسميات ما فيا متعة أو روح...ورح تنتهي بالبعد والجفا مع الزمن .......
وفي ناس يوجد بينك وبينا رابط من الحب في الله والرفقة على الطاعات والأعمال الصالحة ..قد لا تكون صحبته ممتعة كغيره من الأشخاص الهبروجين متل ما بقولو ويلي الطلعة معون بتسلي وبتضحك فيا ...بس مع هيك بتحس حالك مبسوط كتير بمجرد رفقتو أو الخروج معو ..لإنو في شي ....في رابط حلو بينك وبينو ...والأحلى وقت بكون هالرابط مربوط بالله عز وجل ...وبتحس ع هالشي منيح وقت بتدعيلو و بيدعيلك بظهر الغيب ...وقت بتتمنالو الخير من قلبك ....وقت بتفرح كتير إذا صار عندو شي منيح من نجاح أو تخرج أو خطبة أو مولود جديد ....أو بتحس حالك إنك بتفقدلو وبتشتقلو وبتتذكر أيام حلوة قضيتا إنتي وياه وخصوصي إذا كان فيا تعاون ع خير أو معروف أو طلب علم أو عبادة ......مشان هيك أنا بتضايق وقت بحس واحد طلع معنا مشوار من باب المجاملة أو مشان ما أزعل أو اعتب عليه ........أخي في كتيييير عالم بفضل الله حوالينا مانك مضطر تجي ع حالك أو تضغط جدولك إذا مانك مبسوط ومستمتع ورغبان من قلبك بهالمشوار ومخططللو ....وبنفس الوقت الواحد بيلتمس لأخو سبعين عذر بظل ضيق الوقت ونزع البركة منو..وأهم شي إنو ما تعتب ع العالم عنجد إذا ما كان تواصلون معك كتير أو دوري كلمات العتب الخفيفة تزيد المحبة ....بس بشرط ما يكون عتب حقيقي أو زعل .... ...
بس الأعمال لما بتكون نابعة من القلوب بتكون أبلغ وأعظم أثراً وسبحان الله شلون رب العالمين بيطرح فيا البركة وبتوصل للقلوب مباشر بتوافر النية الصادقة والعمل الصالح المشترك .....
. سبحان الله شلون الواحد بياخدو الحديث .....
كنت بدي ا حكي عن البرّ حبّاً ........من أحلى وأجمل المشاعر وقت الواحد بيسعى لبر أمو وبيستحضر حبو إلا ...وبكون هالحب هوي الدافع الأاساسي لهالعمل ......فرق كبييير بين هالشي وبين أداء الواجب أو رفع العتب واللوم ..وسبحان الله الأم بفطرتا بتحس بهالشي وبتقدرو من غير كلام ..لإنو كتير مشاعر وقت بتترجم لكلمات بتفقد كتير من قيمتا وتحويل الشعور لفعل وسلوك أبلغ بكتير من كام كلمة بيطلعو من التم قد لا يصلو للقلب ..أو قد يُتهم صاحبون بالزعبرة والكولكة أو تمسيح الجوخ ....
أجمل شعور بالعالم عند كلمة الله يرضى عليك الطالعة من قلب أب كبر بالعمر لابنو يلي ساعدو وحس حالو محتاج لابنو بعد ما كان ابنو محتجلو .....ممكن يلاقيا الأب كبيري عليه بالأول ..بس وقت بكون العمل بحب وطالع من القلب بيوصل فوراً للقلب وااللسان لحالو بترجمو لرضى ودعاء ...وآخخ خ خ شو بصير بالولد إذا شاف دمعة أبوه نزلت غصبن عنو وما قدر يمسكا بعد موقف متل هاد ...وقتا بيحس الأب إنو ابنو صار رجااال وصار سند إلو ...وإنو تربايتو إلو ما ضاعت وإنو ربى رجال من خيرة الناس بيرفع راسو فيه وبيعتمد عليه .......كلمة الله يرضى عليك من تم الأب كبيري كتيييير ....وإلا مفعول عجيب بنفسية الابن وبتبقى محفورة حفر بذاكرتو وعقلو ومستيحل تروح هالمواقف من قلب وعقل الابن يلي عم يحاول يبر أبوه .....ونفس الشي الوالدة وقت بتترضى ع ابنا ....كلمات متل الله يرضى عليك( مع التشديد على حرف الهاء وإبرازه بآخر الله 🙂) أو قلبي وربي يرضى عليك ...روووووح لو قلبت التراب بيقلب دهب بين إيديك... أو أسافل إجريي ترضى عليك ......كلمات شائعة على ألسنة الأأمهات تحلق بالابن عاليا في سماء البر...عجيبة رائعة ..بتطلع من القلب فورن ...وبيشعر الابن أن هذه الكلمات تطير مباشرة من فم أمه فتتلقفها الملائكة لتقرع أبواب السماء فيفتح لها بلا حجاب ولا نقاب ليسمو بها في الدنيا ويرجو خيرها وتفعها في الآخرة ...خاصة إذا لمس صلاح أمه وأعتقد فيها القرب من الله عز وجل والتعلق به والمداومة على صالح الأعمال وسلامة السريرة تجاه المسلمين... فضل ما بعده فضل .......كرامة ما بعدها كرامة .........اسأل الله أن لا يحرم منها مسلما موحداً ما زال نبض والديه أو أحدهما في هذه الدنيا ...وأن يؤنس وحشة من فقد أحدهما أو كليهما ولا يحرمه أجرهما بعد الفراق وأن يؤجر على نيته فنية المؤمن أبلغ من عمله ..........
ملاحظة الموضوع كان مشاركة بيوميات مغترب لقيتا طولت وسرحت شوي بالكتابة قلت خرج نحطا بموضوع أحسن ما تضيع بصفحات اليوميات
....... ...... ......