ما لقيت اسم مناسب لهيك موضوع . — أرشيف منتدى حياة حمص

3loosh 2012-07-20 15:54 #1

السلام عليكم ورحمة الله وبركاته .

الهدف من حديثي اولا .. مشان ارفع من معنويات اخواتنا المغتربين ووجهلن شكر خاص مني شخصيا .

كونو انتو قاعدين بالغربة ومحروق قلبكن و عم تدعو (اضعف الايمان) .. وما عم تعملو مراجل انكن شغلة كبيرة بالثورة .

يعــني .. شكرا لكل مغترب صادق بمشاعرو اتجاه اهل بلدو .

الشي التاني .. توضيح القصة يلي صارت مشان العضو ابن القصور ..

هو ادعا ع المنتدى انو نازل ع سوريا ..

هو حر .. بيكذب .. بيدعي .. بينزل ما بينزل .. هو حر بحياتو .. وحر بيلي بيكتبو ..

انا ماني قاضي حتى حاسبو .

بس المشكلة انو هاد الشخص كذب كذبة كبيرة عليي شخصيا .. وحكا معي تلفون يوم االاربعا ع اساس من تركيا مع العلم انو رقم تونسي !!!

وقلي انو نازل ع سوريا اليوم المسا ..

وبنفس الليلة بيجي اتصال الساعة 1 بالليل ع رقمي الخاص.. من رقم غريب .. بقول المتصل انو هو من الجيش الحر .. وانو ابو علي اتصاوب

بس هو بخير الحمد لله ..

بعدا بفوت ع المسنجر فورا .. وبقول انو انا والدتو لابن القصور وهو نزل ع سوريا .. وكل شخص من المنتدى بفوت وببيحكي معو

بكون الجواب بهل الشكل .

في تفاصيل تاني بتاثبت انو هو كذاب .. بس مافي داعي نحكي كل شي ... وما في داعي ضوع وقتكن بهيك موضوع ..

يلي حابب يعرف تفاصيل .. فيني اعطي ياها ع الخاص ما عندي مشكلة .

سبحان الله انا من الاصل ماني مصدق الموضوع .. وطلع حدثي صحيح ..
بغض النظر عن كل شي .. بس بيزعل الواحد ع هيك تصرفات بوقتنا هاد ..بالوقت يلي كل دقيقة عم يموت شخص ..
في ناس عم تكذب وتنافق حتى تلمع صورة وجها ..

الموضوع ما رح ينطوى ع صفحات النت .. الحساب رح يكون ع الواقع .

السلام عليكم .

3loosh 2012-07-20 15:55 #2

الله يرحمك يا عبد الله اذا كنت متوفى والله يفك اسرك اذا كنت عايش .

شرفات 2012-07-20 16:51 #3

معقول ؟

المعتز بالاسلام 2012-07-20 17:47 #4

كلنا ابن القصور...

ناتاشا 2012-07-20 20:13 #5

🤪

الدو&#16 2012-07-20 20:30 #6

شو هالولدنات هي ما وقتها

شرفات 2012-07-20 22:44 #7

يا جماعه
مع اخترامي الشديد لاخي علوش بس ما بدنا نحكم ونحكي قبل ما نسمع ابن القصور
لأن الروايه إن كانت كما هي فهذه مصيبه المنظره على ثورة شعب
بس لابد من سماع قول ابن القصور

رهوفي 2012-07-20 23:05 #8

ما بظن الو عين يفوت يكزب كمان ..

أبو الهمايم 2012-07-20 23:23 #9

لعما إذا صحي ........

وينو يفوت يدافع عن حالو ...؟؟؟

رهوفي 2012-07-20 23:25 #10

رهوفي كتب:
ما بظن الو عين يفوت يكزب كمان ..

غربتلي 2012-07-21 12:06 #11

هلأا ما بدي نط لإستنتاجات و حسابات ما بعرف لوين بتوديني ......

بس أنا نفرت الدمعة من عيني لما سمعت خبر إصابة مروان .... و أنا دموعي غالي .... إستشهدت نص العيلة ما بكيت على حدي منهوم ..... عبدالله و مروان إتنيناتهون دبحوني دبح ....

يعني ....شو الوضع هلأ مع مروان؟؟؟؟؟

ناتاشا 2012-07-21 12:58 #12

اخي علوش : طيب اتصل بالرقم اللي حكاك واسالن عنو وقلن بدنا نتطمن عليه بالنا مشغول 😎

ولو انو حاسة هلق بكون عم يقرا هاد الموضوع ويشوف شو عم نقول من اول لحظة 😊

ناتاشا 2012-07-21 13:06 #13

مكرر

ممتعض 2012-07-21 15:29 #14

زكرتني بفيلم زكي شان

3loosh 2012-07-21 17:00 #15

من وقت ما صارت القصة لهلا .. والخط السوري يلي اتصل فيي مسكر .

انا قلت يلي بدو يتاكد يحكيني ع الخاص وبعطي تفاصيل كمان .

عملي بلوك ع الفيس وع المسنجر ما عم يفوت .

بالنسبة الي الموضوع خالص ومنتهي ونسيتو لانو تافه .. وما كان يمكن في داعي احكي القصة كلا
بس الواحد بيزعل .. انو الناس وين .. وانت وين !!!!!

و متل ما ذكرت فوق ..

دخيل قلبكن يا مغتربين 🙂

ناتاشا 2012-07-21 17:54 #16

بعتلك رسالة طلعلي انو ما عم يوصلك رسائل مدري شو....حط التفاصيل عالعام لكن 🙂

3loosh 2012-07-21 18:18 #17

صار فيكي تبعتي رسالة .

ناتاشا 2012-07-21 22:27 #18

برايي انك تحط اللي صار كلياتو هون
يعني بعد ما قريت اللي صار...جد صدمة

حط الحكي هاد احسن حساب....

ابو الصبر 2012-07-22 03:21 #19

برأيي مانظلم حدي لحتى نتأكد حتى ولو كانت كل الادلة ضده

وبعد ما تتأكد الشغلة بكون لكل حادث حديث

زهرة البنفسج 2012-07-22 13:38 #20

لا حول ولا قوة إلا بالله .. الله يهدي الجميع ويغفرلنا ..