السلام عليكم ورحمة الله

مين بتقترحو يستلم الحكم بحال سقوط النظام وبأي طريقة وشو الكلفة ؟ ..

يعني شو طريقة تسليم الحكم يلي بتقترحها وكيف بتتوقع انو تصير ...

يعني شو تصوركن للحل وكيف بتنتهي الثورة ؟

شي لازم نحكي فيه لحتى مانكون ماعرفانين لوين رايحين لازم يكون عنا تصور ومخطط واضح مشان يحافظلنا على ماتبقى من البلد

يرجى الالتزام بالهدوء ..

نحن الآن في وضع كالراكب في سفينة لها ألف ربان و ربان و الدفة يتجاذبها الجميع بأيديهم ...

و لكن من الملاحظ جدا في الوقت الحالي الاعلان عن مناف طلاس كمرشح لحكومة انتقالية توافقية ( توافقية من قبل الغرب مع روسيا و الصين و ايران ) توقف الحرب و تحافظ على المؤسسة العسكرية القائمة و تساهم في خروج آمن و مشرف لآل الأسد على أقل تقدير و قياداته الكبيرة

يتم الآن تجميل صورة مناف طلاس بكل ما أوتي القوم من قوة كما يتم تجميل صورة فاروق الشرع أيضا بانه قيد الاقامة الجبرية لذلك لم يستطع الانشقاق عن المجرم و الشرع قد يكون أيضا شخصية توافقية سياسية

إذن نحن أمام عدة احتمالات من قبل المنظومة الخارجية التي لا تعير الشعب اعتبارا أبدا ولا لتضحياته و هي إما السعي لإنشاء مجلس عسكري حاكم كما كان مقترحا سابقا من روسيا برآسة مناف طلاس و تشكيل حكومة تكنوقراط توافقية بين أطياف المعارضة ( احتمال طرحها جيد ) أو تشكيل حكومة ائتلافية بين النظام القائم و المعارضة مع خروج الأسد من البلاد و عدد من القيادات الكبيرة ( احتمال ضعيف نوعا ما ) أو تشكيل حكومة توافقية برآسة مناف طلاس كعسكري و يكون فاروق الشرع رئيس مؤقت للبلاد و أيضا مع خروج آمن للأسد و عائلته و كبار الضباط من الصف الأول ...

طيب اخي اعطيني اقتراحات لنناقشا .. نحني هون لحتى نتبنى رأي بكل تجرد ... يعني ماني جاي اقنع حدي بشي جاي اقتنع منكن

أندلسي الهوى كتب:
نحن الآن في وضع كالراكب في سفينة لها ألف ربان و ربان و الدفة يتجاذبها الجميع بأيديهم ...

و لكن من الملاحظ جدا في الوقت الحالي الاعلان عن مناف طلاس كمرشح لحكومة انتقالية توافقية ( توافقية من قبل الغرب مع روسيا و الصين و ايران ) توقف الحرب و تحافظ على المؤسسة العسكرية القائمة و تساهم في خروج آمن و مشرف لآل الأسد على أقل تقدير و قياداته الكبيرة

يتم الآن تجميل صورة مناف طلاس بكل ما أوتي القوم من قوة كما يتم تجميل صورة فاروق الشرع أيضا بانه قيد الاقامة الجبرية لذلك لم يستطع الانشقاق عن المجرم و الشرع قد يكون أيضا شخصية توافقية سياسية

إذن نحن أمام عدة احتمالات من قبل المنظومة الخارجية التي لا تعير الشعب اعتبارا أبدا ولا لتضحياته و هي إما السعي لإنشاء مجلس عسكري حاكم كما كان مقترحا سابقا من روسيا برآسة مناف طلاس و تشكيل حكومة تكنوقراط توافقية بين أطياف المعارضة ( احتمال طرحها جيد ) أو تشكيل حكومة ائتلافية بين النظام القائم و المعارضة مع خروج الأسد من البلاد و عدد من القيادات الكبيرة ( احتمال ضعيف نوعا ما ) أو تشكيل حكومة توافقية برآسة مناف طلاس كعسكري و يكون فاروق الشرع رئيس مؤقت للبلاد و أيضا مع خروج آمن للأسد و عائلته و كبار الضباط من الصف الأول ...

طيب ع هاي الحالة شو استفدنا .. ما نحنا منعرف من الاول انو ما مشكلتنا مشكلة الاسد بس .. مشكلة النظام كلو .. ومناف والشرع منن وفين ..

ومناف طلاس (اذا) اعتبرنا انو ما عمل شي .. ف شو مشان ابوه .. اللي مستحيل ننسى جرائمو ..

ع هاي الحالة .. رح ينحط بالقائمة عبد الحليم خدام .. ورفعت الاسد

برأيي هاد الحل مرفوض .. وما رح يرضو في الشعب السوري ..

ونحنا من الاول منعرف انو اذا سقط النظام رح يسقط سقطة وحدة .. ما رح يضل حدا منو ..

والله اعلم لوين الايام رح تروح فينا ..

يا أبا الصبر المشكلة في الثورة السورية إنها بدون قائد ... نحن حقيقة نفتقد للقائد للشخصية الكاريزما التي يلتف حولها الجميع و التي تقول للناس قوموا فيقومون .اجلسوا فيجلسون ..

هاد الشخص هوي اللي ممكن يكون توافقي و هاد شرط غير متوفر لا في مناف طلاس ولا في فاروق الشرع و لا في أي شخصية من داخل نظام آل الأسد ولا من المعارضة للأسف ..

معنى التوافقي المطروح حقيقة هوي توافقي فقط بين الدول المتدخلة في المسألة السورية أما توافقي بالنسبة للشارع الثائر مع الشارع القامع فهذا غير مطروع على الساحة ...

يعني مناف طلاس لا تاريخ و لا حاضر بيشفع له و لا حتى اسم أبوه الوسخ بيشفع له أي شخص من المؤسسة العسكرية من الحلقة الضيقة فيها المقربة من آل الأسد هو شخص غير مؤتمن الجانب على الاطلاق إذا كنا ضمن خيارين لا ثالث لهما بين مناف و فاروق .. لا فاروق بيكون أفضل لأنه على الأقل غير ملوث بالدماء المباشرة و يبقى مدني لا عسكري ...

أما موضوع نوافق على مناف و لكن بشرط حل الأجهزة الأمنية هاي أكبر كزبة ممكن تصير بالدنيا لأنهم ما لح يحلوا أي جهاز و إن صار و حلو أجهزة جهاز أمن العسكري و الجوي ما لح ينحل و لح يبقى ضمن نطامه القديم التابع للــمخابرات الروسية

المشكلة متل ماقلت انت انو الثورة السورية بدون قائد
بمصر مسك الامور الجيش ومافلتت الاوضاع
بليبيا كان في قائد للثورة مسك الامور فكان الفلتان بالحد الادنى
باليمن اتفقو على واحد من النظام القديم بالتراضي مشان ماتفلت الامور ورغم هيك فلتت الامور نوعا ما
بتونس كمان الجيش كان مع الشعب لبين ما اختارو رئيس
بس عنا الجيش هوي يلي عم يقتل الشعب ومافي قائد للثورة ومافي حلول اخرى سهلة

فاروق الشرع احسن من مناف طلاس متل ماقلت بس لازم يكون في شخص عسكري يمسك الامور .. ويفضل طبعا يكون من الجيش الحر بهالحالة

بس هل ياترى بهالحالة الجيش رح يرضو عنه ام رح يصير انقسام ؟
الوضع معقد ومافي غير رب العالمين بحلها

مين قال رح يتنحى ؟
لو بده يتنحى كان عملها من ستة أشهر .. لن يترك السلطة الا قتلاً او هرباً ..

السلام عليكم

ومين قال ضروري يكون في قائد ؟ هل الإسلام لما افترض جهاد الدفع فرض عين ، افترض علينا يكون في قائد بهيك مرحلة؟ وجود القائد أفضل بس مانه سبب كافي برأيي لنجاح أو فشل الثورة و في ناس بتقول خليا بلا راس أحسن مشان معنويات الناس بحال استشهد أو اعتقل...

أخي الحل واضح وضوح الشمس : الحل هو لمن يملك زمام القوة في البلد ... نحن عايشين ضمن إطار قوانين كونية و السيادة للأقوى دوما ... سواءا كان الأقوى هم أهل الحق أم أهل الباطل

لما يقرروا أهل الحق إنه تكون القوة الن و يتوكلوا على الله و ينصروا الله الله بينصرن و بيزيد من قوتن

ويلي بيطلع منيح بيلاقي إنه النصر عمنشوفو كل يوم و أحيانا كل لحظة

السؤال المنطقي هو ليش تأخر النصر ؟

قد يكون :

1- لحكمة لا يعلمها إلا الله
2- لعدم وصول الثوار على الأرض لنقطة القوة الكافية
3- ما زال النظام هو الأقوى عمليا على الأرض
4- ما زال هناك خلافات بيننا و لم يتوجد الصف بشكل كاف
5-حتى يميز الله الخبيث من الطيب

انتصار الثورة السورية للأقوى لذلك الموضوع يحتاج للوقت ... أما الحل السياسي .. فبرأيي المعارضة لن تصل إلا إلى طريق مسدود و هو التآمر العالمي الواضح على الشعب السوري أو الشعب السني و الإسلام بشكل خاص
كما النطام لن يصل إلا إلى طريق واحد مسدود وهو الحل الأمني أو ما يسمى البسطار العسكري

والثوار لديهم إن شاء الله ألف حل و حل لأن الحق معهم
أحدهم سم الهاري يلي راح فيا آصف
وعقبال النصر برمضان انشالله ...إذا ما هالرمضان يلي بعده

أبو سبيع كتب:
السلام عليكم

ومين قال ضروري يكون في قائد ؟ هل الإسلام لما افترض جهاد الدفع فرض عين ، افترض علينا يكون في قائد بهيك مرحلة؟ وجود القائد أفضل بس مانه سبب كافي برأيي لنجاح أو فشل الثورة و في ناس بتقول خليا بلا راس أحسن مشان معنويات الناس بحال استشهد أو اعتقل...

نعم اخي ؟ الاسلام ما اشترط قائد ؟

الاسلام أمر حتى ولو كانو شخصين انو يأمّرو احدهم " يعني يكون قائد "

اصلا تشتّت الكتائب بحمص وعدم وجود قيادة موحدة هيي يلي صعبت الامور وإلا كانت الاوضاع احسن بكتير من هلأ

طبعا لازم يكون في قائد ..

ابو الصبر كتب:
نعم اخي ؟ الاسلام ما اشترط قائد ؟

الاسلام أمر حتى ولو كانو شخصين انو يأمرو احدهم " يعني يكون قائد "

اصلا تشتّت الكتائب بحمص وعدم وجود قيادة موحدة هيي يلي صعبت الامور وإلا كانت الاوضاع احسن بكتير من هلأ

طبعا لازم يكون في قائد ..

نحن عمنحكي عن قائد للثورة مو قائد لمجموعات مقاومة ... أكيد يفضل يكون في لكل مجموعة قيادة و مهارات القيادة تلتمس بشخصيات أكتر من أخرى إما للخبرة أو لحسن التخطيط و الإدارة

بالنسبة لتشتت الكتائب في أسباب كتيرة غير موضوع القيادة الموجدة أهمها إيديولوجية كل كتيبة ...

وما بعرف إذا انحل الموضوع و لا لسا لأن صرله زمان ما انحكى فيه

اخي في قائد لكل كتيبة بس مافي قائد للثورة .. اصلا الثورة ماشي بهدى رب العالمين فقط لاغير

موضوع الكتائب صار احسن لأنو البعض انضوى تحت قيادة وحدة .. بعدين رجع بعضن انفكو عنها بسبب مشكلة صارت
التنسيق موجود بس الروس كتيرة للأسف .. يعني كل قائد راس لازم يكون كلامه هوي النافذ وهادا بصعب التنسيق اكتر .. لو في قيادة وحدة ماكانت سقطت باباعمرو بالأصل

بس الاهم من كل هادا انو في بطولة ماطبيعية

رأي ثوار حمص القديمة بانشقاق مناف طلاس

http://www.youtube.com/watch?v=QFtq-7nDF1Y&feature=plcp

وهاد هوي الرأي المهم ... والشباب ماعاجبن لذا منكنسله من المقترحات

ابو الصبر كتب:
رأي ثوار حمص القديمة بانشقاق مناف طلاس

http://www.youtube.com/watch?v=QFtq-7nDF1Y&feature=plcp

وهاد هوي الرأي المهم ... والشباب ماعاجبن لذا منكنسله من المقترحات

هاد الحكي النظامي