السلام عليكم و رحمة الله
طبعا الجميع بيعرف الفترة الصعبة يلي عم يمر فيها أهلنا في حمص خاصة و سوريا عامة
و خلال الخمسة عشر شهر يلي مضوا السوريين عامة استنزفت مواردهم المالية بشكل كبير
وبلشت تقل المصاري لإغاثة أهلنا و احبابنا و أصبحت الحاجة ملحة للتوجه لغير السوريين أو لتنظيم و ترشيد صرف أموال السوريين في مشاريع استثمارية ذات دورة مالية قصيرة تستخدم أرباحها في الإغاثة

الموضوع باختصار بدنا افكار لتوسيع الموارد
نحنا كمغتربين عايشين " سواء بالخليج أو في الغرب " في مجتمعات تحوي جنسيات مختلفة يتمتع أفرادها بمستوى معيشي جيد جدا مقارنة مع سوريا
برأيكن كيف منقدر نوصل لهدول الناس و نعرض قضيتنا لحتى يشاركوا بعمليات الإغاثة مبدئيا

ربما فكرة بسيطة عند شاب أو فتاة يكون وارءها الخير العميم
و يلي عندو تجربة عملية سابقة يا ريت يفيدنا فيها

الله يجزيكم الخير و يفرج علينا

بيع مطيطة خضرا للعالم .........عليا نجمتين حمر ..... خليون يحطوا بإيدن ..........

من الأفكار التي رأيتها في السعودية طرحت و طبقت عمليا على سبيل المثال لا الحصر

مشروع المطبخ الحمصي : مجموعة من السيدات الكريمات بيجتمعوا في احد البيوت و بيعملوا اكلات سورية و تباع لمختلف شرائح المجتمع
المشروع خلال الثلاثة شهور الماضية كان ناجح جدا و لله الحمد و صار في طلب عليه من السعوديين و أظن في بعض الأخوات بالمنتدى من المشاركين فيه

مشروع ساعة حمص : تم تصميم نموذج كبير لساعة حمص الشهيرة و بيعها في الحفلات و المناسبات بأسعار خيالية , بس بعد صدور قرار بتوقف الحفلات للسوريين بسبب المشاكل الأمنية تم تحويل المشروع لساعات صغيرة توضع على المكتب و يتم بيعها للأثرياء السعوديين و غيرهم

مشروع البقالة : تم اقتتاح بقالة صغيرة , يعني متل السوبر ماركت بسوريا 😄 , و كل ربحها يحول لإغاثة الناس

يعني هاي المشاريع بدأت بافكار بسيطة و تمت بحمد الله و جابت نتيجة جيدة
في أفكار غيرها لم تطبق بعد .. متل استئجار أرض و تحويلها لملعب كرة قدم و تأجير الساعة بمبلغ معين ... متل ملاعب أب شاكر يعني
" الله يرحم ايام أبو شاكر 🙂 "
و في مشروع الحصالة .. بتوزيع حصالة نقود على البيوت و منخلي الأولاد يتبرعو و ياخدوها معن عالمدارس على سبيل المثال و يشاركو بالجمع
في مشروع اللفحات و المطيطات الصغيرة متل يلي ذكرها أبو الهمايم حفظه الله ... مع إنو أنا ما حبيتا منوب .. .. يعني ما عم أتصور همهوم مسلا حاطط مطيطة بإيدو 😄

بهاي الأفكار و غيرا ممكن نوصل لباقي شرائح المجتمع و نخليه يساهم معنا بالدعم

و متل ما ذكرت يلي عندو فكرة مهما كانت بسيطة لا يستحي من طرحها
الله يجزيكم الخير

نستأجر فريق ريال مدريد ! لما راحو على الكويت أخدو 10 مليون دولار 2 مليون من وحدة مشان يجو يتزهرمو عندها

🙂

*****

في فكرة لوحات من سورية شوارع سورية وطبيعة سورية بدها طابعة وبرواز

لفحات علم الاستقلال ...

زهرة البنفسج كتب:
نستأجر فريق ريال مدريد ! لما راحو على الكويت أخدو 10 مليون دولار 2 مليون من وحدة مشان يجو يتزهرمو عندها

🙂

*****

😄
إي صحة و هنا

--
فكرتك حلوة ،،في كمان أشياء متعلقة بالشهداء كانو يستخدموها بحياتهم متل الملابس و المسبحة و غيرها
كانت تباع بالحفلات و يشتروها الناس بمبالغ كبيرة

اللي حضر ملتقيات وبازارات بالسعودية .. بيعرف فيهم هدول .... صرت حافظتن صمت ..

رح حط كل الاشياء اللي عم تنباع .. وكيف عم يشتغلوا .. وكيف خطة الشغل ..

وعم نشتغل شغلي جديدة .. كتنظيم كبير .. كمان رح حط افكارو وكيف عم يصير التنظيم .. وشو المخططات

بس لبكرة مشان كون مجمعة ..

في فكرة عم تخطرلي وهي عمل معرض صور لبعض الصفحات متل مغسل ومشحم حمص الدولي للدبابات والثورة الصينية

هالفكرة ممكن تتطبق بالدول الأوروبية ما أعتقد رح يسمحو فيها بالدول العربية

حملات الدعم العامة تحتاج لخطة واضحة قبل البدء بطلب المعونة, يعني و بالحموصي لازم يكون عندك خطة تتضمن: 1- حجم الفئة المستفيدة من المعونة 2- أبواب / أنشطة الدعم ( مواد غذائية - غير غذائية - طبية - تحويلات نقدية .... ) 3- بناء ميزانية تحدد حجم الأموال المطلوبة 4- حشد الموارد: هل تقبل مساعدات عينية أم فقط مادية؟ في حال قبول مساعدات عينية يجب تحديد المواصفات و ذلك حفاظاً على الجودة و لتجنب المواد غير المرغوب بها 5- آلية قبول التبرعات: حسابات بنكية , مركز استقبال معونات .... الخ للمزيد من المعلومات: اكتبو ردكم

حسام كتب:
حملات الدعم العامة تحتاج لخطة واضحة قبل البدء بطلب المعونة, يعني و بالحموصي لازم يكون عندك خطة تتضمن: 1- حجم الفئة المستفيدة من المعونة 2- أبواب / أنشطة الدعم ( مواد غذائية - غير غذائية - طبية - تحويلات نقدية .... ) 3- بناء ميزانية تحدد حجم الأموال المطلوبة 4- حشد الموارد: هل تقبل مساعدات عينية أم فقط مادية؟ في حال قبول مساعدات عينية يجب تحديد المواصفات و ذلك حفاظاً على الجودة و لتجنب المواد غير المرغوب بها 5- آلية قبول التبرعات: حسابات بنكية , مركز استقبال معونات .... الخ للمزيد من المعلومات: اكتبو ردكم

تمام
أنا مهتم بالنقطة الرابعة و الخامسة
الموارد أصبحت غير كافية لأنا بتعتمد على السوريين فقط كما ذكرت سابقا
كيف بدك توسع مواردك ؟
خاصة إزا الدولة المضيفة ما عم تقدم أي تعاون و لا عم تسمحلك تفتح حساب إغاثي ... يعني بدك تطرح قضيتك للمجتمع بمختلف شرائحه و تحاول تجمع منه بطريقة قانونية
و لزلك نحن بحاجة إلى أفكار ..
الفكرة هي الأساس بالموضوع

من فترة كانت هناك حملة لجمعية عيد الخيرية بقطر رصدت مبلغ 10 مليون ريال خلال فترة بسيطة و من ضمن عدة حملات متتالية و الحقيقة هي الجمعية تجاوزت كل المعوقات حدودية و حكومية ممكن تواجهها من خلال توظيف شباب تم تزكيتهم من ناس ثقات و بدات بالعمل داخل سوريا بالااضافة للهلال الاحمر القطري ايضا اصبح له اذرع في الداخل السوري و كادر يتحرك وقت الحاجة ..
الشاهد من الكلام اتطوع مجموعة من الشباب للوقوف على صناديق التبرعات في احد المولات التجارية ضمن حملة جمعية عيد و كان في شاشة عرض عرضنا عليها 3 فيديوهات ممنتجة انتاج رائع اضيف لها مؤثرات صوتية تصور معاناة الشعب السوري ببكو الحجر و كفتت الناس و انهالت التبرعات بشكل مخيف وقتها و كان للفيديوهات الاثر الواضح ...
الفكرة ممكن تستنسخ بايجار صالة باحد الفنادق و توزيع بطاقات دعوة حق البطاقة ممكن 200 ريال بالاضافة لصندوق للتبرع داخل الصالة جاهز لكل شخص حابب يدعم ..
ممكن اضافة بعض الفعاليات متل المزاد على صور الشهداء او ملابس الشهداء او او او الخ
بس طبعا لا بد من عرض خطة واضحة للناس او برزنتيشن عن ما تم انجتزه خلال الفترة السابقة حتى تضمن ثقة الناس ..

الفكرة السابقة كانت تتم بالفعل و على نطاق واسع و كانت عم تجمع مبالغ محرزة

آخر حفلة جابو الشاعر الكويتي أحمد الكندري صاحب القصيدة الشهيرة " أقسمت أن يفنى الأسد "

بعد هالحفلة يلي كانت ناجحة جدا السفارة عنا أرسلت أسماء بعض السوريين يلي كانو حاضرين و أسماء ما كانو حاضرين أصلن
أرسلت الأسماء للمباحث السعودية و قالت إنو هدول السوريين عم يخالفوا أنظمة المملكة و عم يعملوا مظاهرات!
تم استدعاء معظمهم للتحقيق

و بعد كام يوم صدر قرار رسمي بإلغاء أي حفلات تتعلق بالثورة السورية
فتأمل يا رعاك الله!

هلق الملتقيات .. في منظمين وفي حضور .. وفي بازار ..
الشغلات اللي عم تنباع بالبازارات .. كتييرة .. كل شي بيخطر ع بال البنات ع شكل علم الثورة (اساور حلق طواق ملاقط شعر قواس قلام ميداليات تعليقات جوال بروشات بيوت جوال ماغات كنزات)
بالاضافة للفحات من القطن والصوف

طريقة الشغل .. منشتغلن بالبيت .. البنات والنسوان وحتى الولاد بيشتغلو فين والولاد كتير عم يحبو يشتغلو .. وبأنجزو أحيانن اكتر من الكبار .. وبأنجزو كمية كبيرة بوقت كتير قليل ..
الادوات الي عم تلزم كمان بتجي بمبلغ بسيط ..
حلقات الخواتم والملاقط وقواس سادة وهاي الاغراض الاساسية كلا بتجي سادة .
خيطان وصوف بألوان العلم ..
وردات صغار ساتان (متل اللي كنا نلف فيا تول الملبس بالضيافة) كمان بلوان العلم .. منلزقن مع بعض بفرد سليكون .. ومنلزقن كمان تلزيق فوق القطعة اللي بدنا اياها
بكرات مخمل بلوان العلم (هدول مشان البروشات) .. منقص بلاستيكي صغيري بحجم البروش اللي بدنا اياه وبعدا منلزق الشرايط بألوان العلم

مشان النجم .. يا أما خرز أحمر .. او نجم جاهزة بتتلزق تلزيق بالكوي

واي استفسار بشرحو بالتفصيل مع الصور بطريقة الشغل

هلق بالنهاي .. هاي شغلات بسيطة .. بس عم تنباع نسبين بمبالغ جيدة .. وشو ما جابت منيح وكلو عم يتوسع ..

وغالبن بالملتقيات عم يصير مزاد ع شئ ما .. انا حضرت لحد هلق ساعات وسيوف وفي مجسم ع كشل دوار الامويين ... وعم تجيب مبالغ كبيري (من السبعين ألف للمليون ريال)

وبصير في كمان طيق خيري .. متل الي قال عليه سايلنت ..
وكان في شي جديد كمان بالطبق .. انو عم يعملو أكل مجمد .. مشان اللي بدو يشتري لبعدين

وهي الصور من واحد من البازارات ..

الله يجزيكن الخير .. بعد ما شفت هالشغل

خطرلي انو فينا نافس الصين محليا ؟؟ ونستغني عن نص البضاعات المستوردة بطعمة وبلا ! بس هيك مداخلة خارج السرب

*******

أخي سايلنت ... كلن بالهوى سوى كلن أنظمة قمعية ولكن بنسب الله يرحمنا

بالنسبي للمشروع .. هو تنظيم أكبر .. وهادف أكتر .. وعم يطلع لسوريا حالين بعد الثورة ..
هو مجموعة (لساتا صغيري بس عم تكبر) .. مقسمة للجان .. كل لجنة الها اهدافا ومشاريعا ..
وفي ادارة متخصصة لتأمين متطلبات كل لجنة .. شو ما كانت

اللجان هيي ....
اللجنة الاعلامية والسياسية
اللجنة التنموية
اللجنة العلمية
لجنة المشاريع الانتاجية
اللجنة التطوعية

رح حط التفاصيل .. والاهداف والمشاريع والحقوق والواجبات لكل لجنة ..
بس هلق ما عندي اياهن بالتفصيل ..

من فترة صار لنفس هاي المجموعة .. عمل تطوعي ..
اجت كمية كبييري كتير من التياب ..
والتمر والادوات الطبية والادوية والعاب اطفال

الشغل هو فرز الملابس .. الصالحة او غير صالحة
طبعن اذا كانت مجرد وسخة شوي او مبين عليا قديمي شوي ما بياخدوا
على اعتبار انو القطعة ما بتروح الا اذا كانت جديدة .. لأن اللي عم ينبعتلن التياب ما حدا احسن منن .. بالعكس هني اللي شرفونا
وفرز حسب الاعمار
شالو التياب الشتوية ع جنب .. وبعتو التياب الصيفية .. بس ما بعرف اذا صار الشحن والا لسا ..

زهرة البنفسج كتب:
الله يجزيكن الخير .. بعد ما شفت هالشغل

خطرلي انو فينا نافس الصين محليا ؟؟ ونستغني عن نص البضاعات المستوردة بطعمة وبلا ! بس هيك مداخلة خارج السرب

*******

أخي سايلنت ... كلن بالهوى سوى كلن أنظمة قمعية ولكن بنسب الله يرحمنا

والله العظيم يا زهرة ... كل فكرة شغل عم تجي احلى من التاني ...
كلو من شغلات بسيطة .. وادوات بسيطة ..

بس حط افكار اللجان .. رح تشوفي .. وهاد الحكي كلو من بنات بأعمارنا .. وفي منن كمان من نسوان من اعمار أمهاتنا وجداتنا
بتجي بتعطيكي فكرة بتكون بسيطة بس خارقة .. واذا انشغل عليا .. بتطلع مشروع بياخد العقل ..

بس نحنا ما كنا منستغل العقول ...

الاجانب بضلو ورا الفاشل لينجحو .... والعرب بضلو ورا الناجح ليفشلوه

انشالله اذا تمينا هيك .... لتوقف سوريا ع أجريا خلال كام سنة .. والله يقدم اللي فيه الخير يا رب

SILENT كتب:
الفكرة السابقة كانت تتم بالفعل و على نطاق واسع و كانت عم تجمع مبالغ محرزة

آخر حفلة جابو الشاعر الكويتي أحمد الكندري صاحب القصيدة الشهيرة " أقسمت أن يفنى الأسد "

بعد هالحفلة يلي كانت ناجحة جدا السفارة عنا أرسلت أسماء بعض السوريين يلي كانو حاضرين و أسماء ما كانو حاضرين أصلن
أرسلت الأسماء للمباحث السعودية و قالت إنو هدول السوريين عم يخالفوا أنظمة المملكة و عم يعملوا مظاهرات!
تم استدعاء معظمهم للتحقيق

و بعد كام يوم صدر قرار رسمي بإلغاء أي حفلات تتعلق بالثورة السورية
فتأمل يا رعاك الله!

انت عم تحكي بالرياض والا بجدة ؟؟؟؟؟؟؟؟

هلق بالرياض .. وقت اجا الشاعر أحمد .. كان في ملتقى تاني بنفس المنطقة .. مانو مرخص .. واجت افسادية علين .. وفاتو وسكرولن ..
قمنا نحنا شلنا كلشي الو علاقة بأغراض الثورة والاعلام .. بس الحمد لله ما اجا شي علينا .. وما صار شي .. ومرقت ع خير (انا هاد اللي بعرفو)
بس عم يصيييير كلشي .. حتى لو ممنوع .. تاني يوم كان في ملتقى لحلب ..
ومن كام يوم اجتمعو كمان لأهل الرقة ..

مدري ليش ماشفتوا من قبل لها الموضوع.....
نفس الفكرة اﻷي عم تراودنا من فترة... بعد ماكترت النشاطات والعالم ملت اولا ومابقي معا تنيا... صار من الضروري التوجه لفئة جديدة من المجتمع....
من اهم النشاطات اللي سايناها هي بازارات الطبق الخيري واﻷي كانت بالبدايات وحققت نجاح حلو... بعنا فيها معجنات وكبب ويالنجي وحلويات وغيرو كتير... اضافة لمتعلقات الثورة اﻷي حكت عنون رهوفي
كانفكرة نادي صيفي.... بس مالقيت مكان طان. ..كان في افكار لدورات تعليمية مهنية كمان مالقيت مان...في نشاط يوم ترفيهي كامل للولاد كمان عم ندور عمكان...المطلوب فيلا او كمباوند او استرااحة تكون بمكان متوسط بجدة والافكار كتييييييرة. ....[center][/cك

عندي حاليا متعلقات 3 شهداء وصني من حمص... اذا حدا سمع عن شي حدث بدو يصير خبروني بركي منقدر نستفيد....